كشفت بعض الفتيات عن الوجه القبيح لأحد الممثلين، والذي يقدم ورش فنية للتدريب على الثميل، باستغلال بعضهن ومحاولة التحرش بهن.
وتحت هاشتاج #كله_هيعترف، أزاحت فتيات كثيرات الستار عن الجانب المظلم لهذا الممثل، الذي استبدلت الفتيات اسمه بحرفين “ش.خ”.
تحرش خلال ورشة التمثيل..
ووجهت بعض الفتيات اليوم اتهامات – لمدرب تمثيل يتحرش بالفتيات خلال ورش التمثيل.
وأكدت بعض الفتيات من خلال منشوراتهم أن العديد منهن تعرضوا لذات الموقف خلال الورش التمثيلية وهو الأمر الذي دفعهم للحديث عن الأمر مؤخرًا.
شهادة إحدى الفتيات..
كتبت فتاة تٌدعى “م” عن تعرضها وصديقتها للتحرش من قبل إحدى الأشخاص القائمين على التدريب بالورش التمثيلية عدة مرات مع رفضها ذكر الاسم.
وقالت الفتاة من خلال منشور لها عبر “الفيسبوك”: “من فترة طويلة قررت أتعلم التمثيل وروحت ستوديو كدا مشهور قوي مش هقول اسمه اتدربت مع مدرب كدا مشهور هموت وأقول اسمه”.
وتابعت حديثها: “ارتبطت بالمكان دا إلى الحد اللي خلاني بعتبره بيتي الأولاني مش التاني، واتعلمت هناك من الإنسان دا معاني كتير قوي لو المدرب دا كان عمل ربعها كان زمانه بقى راجل محترم، أو بقى راجل في المطلق”.
كذبة كبيرة..
واستكملت: “عدت يعني الأيام واكتشفنا أنا وشوية الطلبة والطالبات السذج المنبهرين إن الراجل دا كدبة كبيرة وما هو إلا سلسلة من حوادث التحرش المتتالية والخداع المتواصل والتلاعب ببني آدم، أو بالتحديد بناته”.
وأكدت أن العديد من الفتيات تعرضت للأذى الجسدي والنفسي بسبب حوادث التحرش اللاتي تعرضن له من قبل هذا الفنان، قائلة: “اتأذى بعضنا نفسيًا والبعض الآخر جسديًا”.
استمرار في التحرش..
وقال أحد الأشخاص خلال الهاشتاج، :”أنا لسة مكتشف الموضوع ده من ايام قليلة و حقيقي كنت مصدوم لما عرفت و اتصدمت اكتر لما لقيت ناس كتير عارفة و ساكتة”.
وتابع هو شخص انا كنت بتعامل معاه و اشتغلت معاه حوالي سنتين و نص في مكان واحد، هو مدرب تمثيل و بيعمل ورش تانية في الستوديو بتاعه و هو متحرش و اتحرش ببنات كتير اعرفهم شخصياً و حكولي تجاربهم بس انا للأسف مش هاقدر اقول او اعمل حاجة غير لما هما يبقوا عايزين يصرحوا او يقولوا ده.
وتابع :” ياريت تتكلموا عشان هو مستمر لسة في الموضوع ده و لسة بيعمل كدة و بطرق مقرفة و بيستغل تمارين التمثيل في انه يعمل كدة”.
