انتشر فيديو الأيام الماضية على مواقع التواصل الاجتماعي لحفل زفاف يظهر فيه الفنان تامر حسني بشكل مفاجئ، فتنبهر العروسة، الأمر الذي وضعها في موجة إنتقادات بسبب تجاهلها زوجها في ليلة عرسها والاندهاش بالفنان تامر حسني، وانتشر الفيديو تحت مسمى «حفل زفاف تامر حسني».
حقيقة الفيديو
ونشرت البلوجر آية مكرم، عروسة حفل زفاف تامر حسني عبر حسابها بموقع انستجرام، فيديو يظهر تدافع عدد كبير من الحضور على المسرح،
وأوضحت، قائلة :أظن الفيديو ده أكبر دليل وحابة الناس تركز أوي على الهجوم اللي حصل على الاستيدج، من مصورين وناس كتير، ولما شفنا المنظر أنا وهيمن قولنا لبنت أختي تنزل بسرعة.
وأضافت البلوجر المصرية:اتفرجوا وشوفوا واحكموا بنفسكوا لو شوفتي بنتك في مكان عليه هجوم كده هتعملي إيه، دي بنت أختي وخايفة عليها أكتر منكوا، وأظن الفيديو أثبت ده.. ركزوا هتلاقوني قولتلها انزلي بسرعة، وهيمن قالها كده وإيده باينة، وهو بيشاورلها.
دعم كبير
ومن ناحية أخرى دعمها البلوجر علي غزلان عبر التعليقات قائلا : فكك من كلام الناس .. وافرحي وكملي فرحتك . يوم كان جميل وفرحتك وخضتك كانت اجمل .. الناس معدتش بتدور ع الحلو . الناس بقت بتدور ع اللي يبوظ فرحه وجمال الحاجة الحلوة … متسمعيش كلام الناس وافرحي.
فيما كتبت إحدى صديقاتها : اخر حاجة تشغلي بالك بيها هي كلام الناس، اتبسطي و افرحي انتي عروسة و يومك كان جميل ماشاء الله و الناس السلبية و الحقودة ارميهم ورا ضهرك.
ورغم ذلك كانت موجة الانتقادات كبيرة على حفل زفاف البلوجر المصرية، كما أن الفنان ذاته لم يسلم من موجة الانتقادات.
