«تأجيل زيادة الكهرباء».. أبرز تصريحات الرئيس السيسي بافتتاح مجمع الإنتاج الحيواني
افتتح اليوم الاثنين الرئيس عبدالفتاح السيسي مجمع الإنتاج الحيواني والألبان والمجازر الآلية في مدينة السادات بالمنوفية.
اقرأ أيضًا: أول تعليق من الرئيس السيسي على مسلسل الاختيار
وتحدث الرئيس السيسي خلال الافتتاح عن عدد من المواضيع الهامة ومنها أسعار الوقود واسعار الكهرباء وغيرها من الأشياء التي تستعرضها منصة الناس نت خلال التقرير التالي.
الرئيس السيسي يتحدث عن أسعار الكهرباء
وقال الرئيس السيسي «عاوز أقول للمصريين خلوا بالكم المفروض الأسعار في مصر تبقى أكتر من كده بكتير».
وتابع «بقول ده للمصريين علشان يعرفوا أن الواقع اللى عندنا ده أقصى حاجة ممكن نعملها لضبط والسيطرة على الأسعار».
وأوضح قائلا «برنامج الكهرباء لتالت مرة نأجله مع أن تكلفة إنتاج الكهرباء زادت والغاز اللى بيستخدم في الكهرباء زاد».
وأشار الرئيس أن الهدف من النقاش أن كان الأول 5 دولارات للوحدة دلوقتى بنتكلم في 21 دولار، وأنها كانت أقل من تكلفتها بتتباع للناس طيب لما بقت 214 دولار تساوى كام؟.
وأضاف قائلا «لو فيه فرصة إن مزيد من التوزيع والتسليم للقمح ويبقوا 9 و 10 ملايين طن، وخلوا بالكم فضل كبير من ربنا إننا مرينا بأزمتين كبار، وأثروا على العالم كله، وكنا جزء كبير منهم، وإحنا لسه عظمنا ما نشفش».
وتابع «بقول عظمنا ينشف لما تلاقوا دخلي تريليون دولار في السنة.. ووقتها يبقوا تحاسبوني، ولكن نحلم ونجري على حلمنا دا.. أنا بنام وأحلم بدخل تريليون دولار، و10 تريليون دولار، وإن ذلك ليس ببعيد على الله سبحان وتعالي».
وأضاف قائلا «كل وقت بقول لك الحمد والشكر رغم كل الظروف التي نحن فيها، وأقدر أقول معندناش مشكلة في حاجة والحمدالله، كل حاجة بزيادة عشان دي مصر، وعشان فضل وعطف وكرم ربنا اللى بيراضينا وهو قادر على ذلك».
وأكد أنه «يجب الحفاظ على حالة الاستقرار في الدولة، وتجنب الضغط على المواطنين، ومش بقول استقرار عشاني، لا والله، والله العظيم لما بتكلم عن حالة رضا مجتمعي واستقرار ولا استهدف حفظ الرئيس، والله بتكلم عن حياة 100 مليون».
واستكمل حديثه قائلا «دوركم حماية الناس، والموضوع أكبر من ذلك، والظروف الحالية تتطلب التواجد والشعور والناس والتخفيف عنهم.. الموضوع ضاغط».
وتابع «إحنا مفيش عندنا نقص في أي حاجة، وبشكر كل المزارعين اللى وردوا القمح حتى الآن وأرجوا نحييهم كلنا».
وأشار غلى أن مصر في حاجة إلى كل جهد قائلا «محتاجين كل جهد لكل مصري مخلص وشريف من أجل البلد»
وتابع «لو كانت تكلفة الطاقة في مصر اتعاملنا بيها طبقا للأسعار العالمية كان حصل قفزة كبيرة جدا في التكلفة، بمعنى أن اللى بينقل منتجاته داخل مصر ما زال بيدفع تكلفة وقود 50 % وأقل من 50 % لتر البنزين بـ 2 دولار يعنى 40 جنيها».
واستطرد الرئيس قائلا «بقول ده للمصريين علشان يعرفوا أن الواقع اللى عندنا ده أقصى حاجة ممكن نعملها لضبط والسيطرة على الأسعار، طبقا للى حصل في العالم النهارده بتكلم عن برميل البترول 120 دولارا طيب لو بقا 150 دولارا؟».
وقال الرئيس «بلدنا توقفت 50 سنة، متفكرش ولا تكبر، والبلد كبرت قوى ومصر كبرت كحجم لكن قدراتها مواردها ما زادتش زيها، فغصب عنك وعننا مش هينفع معدلات العمل مش هاتبقى متسارعة».
وشدد الرئيس السيسي «لازم تبقا قفزة تجرى وتنط، طيب نمشى براحة مش هينفع بالفعل متأخرين كتير».
واختتم الرئيس السيسي حديثه قائلا «أوجه الشكر لكل من ساهم في هذه المشروعات خاصة القطاع الخاص، وبقوله مرحب بيك دائما وحقوقك محفوظة وفكرك وإدارتك مقدرة لأننا محتاجينها».
