حل كابتن نادي الزمالك محمود عبد الرازق شيكابالا، ضيفا على الإعلامي عمرو أديب، ببرنامج الحكاية، المُذاع عبر فضائية إم بي سي.
وأكد كابتن شيكابالا، أن نادي الزمالك لن يحصل على الدوري مرة أخرى بسبب الضغوطات التي يتعرض لها النادي.
وتابع : جهور الأهلي في أسوان بس بيقابلني وبيتصور معايا وبيحترمني، وفيه ناس كتير صحابي أهلاوية بينا كل احترام.
قصة مشجع أهلاوي
وروي شيكابالا قصة مشجع أهلاوي نزل من فوق السطوح لالتقاط صورة شخصية معه، قائلا: الناس في أسوان طيبين وعلي طبيعتهم.
وأضاف شيكابالا: “في ناس متعصبة جدا والإعلام بيوصل صورة مش حقيقية.. رغم إننا اللعيبة أصدقاء جدا.. الناس بتشوف اللقطة اللي في الماتش بس ولكن بره الماتش مش بتشوف أننا كلنا أصحاب”.
وأشار: “جهور الأهلي في أسوان بس بيقابلني وبيتصور معايا وبيحترمني، وفيه ناس كتير صحابي أهلاوية بينا كل احترام”.
نهائي إفريقيا
وقال شيكابالا: “بعد ماتش نهائي أفريقيا هنأت موسيماني ببطولة إفريقيا وروحت سلمت عليه وقولت له مبروك، والإعلام لم يتحدث ولم يذكر ذلك.. وعلاقتي طيبة بلاعبي الأهلي”.
وأضاف شيكابالا:” بيحصل معايا تجاوزات في الدوري المصري محصلتش مع أي لاعب لدرجة فيه ناس بتدعي علي إبني، وفي الدوريات الأوروبية بيتم معاقبة الجمهور وليس عقاب اللاعب”.
وسأل عمرو أديب، شيكابالا عن العقوبة الموقعة عليه، ليرد “شيكابالا”، قائلا: “لو قولت لحضرتك انت زملكاوي فين الشتيمة”، ليعقب “أديب”، قائلا: “مش عارف”.
منع الاحتفال بالدوري
وعن منع أسر لاعبى الزمالك للاحتفال بالدوري قال شيكابالا للإعلامي عمرو أديب : في كل العالم وفي الدوري المصري بيحصل التتويج باحتفالات في وجود الأسر والأهالي.
وأكد شيكا قائلا:” بعد التجاوزات التي حصلت لعيبة الزمالك حست أن المسؤولين بتقولنا احنا هندوس عليكم ومش هتاخدو الدورى تانى، اللى بيحصل دا مش كرة”.
أزمة الاتوبيس
وروى محمود عبد الرازق شيكابالا، تفاصيل أزمة الأتوبيس قبل بداية المباراة الزمالك والبنك الأهلي أثناء ضيافته في برنامج الحكاية مع عمرو أديب، موضحا أن الأمن منع دخول أسر اللاعبين من دخول الاستاد.
وقال «شيكابالا» : «خرجت أثناء المباراة لأطلب من الأمن السماح لأسر اللاعبين الدخول»، متابعا : «قعدت ساعة ونصف في الشارع علشان أدخل أسر اللاعبين ومش لاقي مسئول عمل على دخول الناس إلى الاستاذ».
وتابع «شيكابالا» :«في طبيب معانا بنته 9 شهور اتخنقت في الأتوبيس وهتموت ومحدش راضي يدخل أهالينا الاستاد ،ومفيش مبررات، ووالد الونش اول مرة يجي الاستاد علشان يحضر وبرضه مدخلش».
